कसबा गणपती मंदिरात आरोग्य तपासणी शिबिर

पुणे, ता. ५ : कसबा गणपती मंदिरामध्ये आरोग्य तपासणी आणि रक्तदान शिबिर आयोजित केले होते. या शिबिरात जर्मन टेक्नॉलॉजी मशिनच्या साह्याने संपूर्ण शरीराची तपासणी, नेत्र, रक्तदाब, रक्तगट, मधुमेह तपासणी करून मोफत औषधे देण्यात आली.

शिबिरात ४२१ जणांची तपासणी झाली, तर ६५ जणांनी रक्तदान केले. या शिबिराचे आयोजन नेहरू तरुण मंडळ ट्रस्ट, लायन्स क्लब ऑफ पूना गणेशखिंड, श्री कसबा गणपती (चौक) शिवजयंती उत्सव मंडळ, ग्रामदैवत श्री कसबा गणपती देवस्थान, तसेच प्रिस्टाइन आयुर इंडिया चॅरिटी फाउंडेशन, पुणे इलेक्ट्रिक असोसिएशन तपकीर गल्ली, जिनवाणी परिवार जैन युवक संघटन, सो. क्ष. कासार कालिका देवी संस्थान, समर्थ मराठा सेवा विकास प्रतिष्ठान यांच्या वतीने केले होते.

शिबिराचे संयोजन अविनाश वाडकर यांनी केले. आमदार हेमंत रासने, योगेश समेळ, विशाल धनावडे, सुहास कुलकर्णी, राजेंद्र शिंदे, उमेश चव्हाण यांनी शिबिराला भेट दिली.