कॉसमॉस फाउंडेशनतर्फे गुणवंत विद्यार्थ्यांचा सत्कार

पुणे, ता. ५ : कॉसमॉस फाउंडेशन संस्थेतर्फे दहावी व बारावीतील गुणवंत विद्यार्थ्यांचा सत्कार समारंभ नुकताच सदाशिव पेठेतील भारत इतिहास संशोधक मंडळाच्या वि. का. राजवाडे सभागृहात उत्साहात झाला.

कार्यक्रमाचे अध्यक्ष म्हणून इनसर्च इन्स्टिट्यूटचे संस्थापक डॉ. अशोक जोशी, प्रमुख पाहुणे म्हणून प्राचार्य श्याम भुर्के उपस्थित होते. या वेळी शहरातील विविध शाळा व कनिष्ठ महावि‌द्यालयांतील एकूण साठ गुणवंत विद्यार्थ्यांचा सत्कार मान्यवरांच्या हस्ते झाला. याप्रसंगी कॉसमॉस फाउंडेशनचे अध्यक्ष ॲड. श्रीपाद पंचपोर यांनी फाउंडेशनच्या विविध उपक्रमांब‌द्दल माहिती दिली.

या वेळी डॉ. जोशी म्हणाले, ‘‘सध्याची पिढी जास्त विचारी, समाजाभिमुख, विचारशील आणि संवेदनशील आहे.’’

भुर्के म्हणाले, ‘‘आयुष्यात येणाऱ्या संकटांना न घाबरता सामोरे गेले पाहिजे म्हणजे त्यातूनच आपल्याला बाहेर पडण्याचा मार्ग सापडतो.’’

कॉसमॉस फाउंडेशनचे सचिव डॉ. सुधाकर न्हाळदे, फाउंडेशनचे विश्वस्त प्रदीप सावंत, अमरनाथ चक्रदेव, कॉसमॉस बँकेचे अध्यक्ष प्रल्हाद कोकरे, माजी अध्यक्ष शशिकांत बुगदे, तसेच मच्छिंद्रनाथ उर्सेकर आदी उपस्थित होते.

कार्यक्रमाचे सूत्रसंचालन ॲड. अनुराधा भारती यांनी केले. ॲड. राधिका उर्सेकर यांनी आभार मानले.

———-