एटीएमधून पैसे काढणाऱ्या महिलेची ६५ हजारांची फसवणूक

पुणे, ता. ५ : एटीएममध्ये पैसे काढण्यासाठी गेलेल्या महिलेला मदत करण्याचा बहाणा करून चोरट्याने ६५ हजारांची रोकड चोरल्याची घटना पर्वती भागात घडली. या प्रकरणी चोरट्यावर स्वारगेट पोलिस ठाण्यात गुन्हा दाखल केला आहे.
याबाबत एका महिलेने स्वारगेट पोलिस ठाण्यात फिर्याद दिली. पोलिसांनी दिलेल्या माहितीनुसार, तक्रारदार महिला पर्वतीतील लक्ष्मीनगर परिसरात राहायला आहेत. त्या पर्वती गावातील एका बँकेतील एटीएमधून पैसे काढण्यासाठी गेल्या होत्या. त्या वेळी एटीएमच्या परिसरात चोरटा थांबला होता. महिलेने एटीएममध्ये प्रवेश केल्यानंतर चोरटा तेथे आला. त्याने महिलेला मदत करण्याचा बहाणा केला. त्यानंतर चोरट्याने एटीएममधून पैसे बाहेर येत नाही, अशी बतावणी केली. महिलेला बोलण्यात गुंतवून चोरट्याने त्याच्याकडील डेबिट कार्ड महिलेला दिले.