येरवडा, टिंगरेनगर भागाचा पाणीपुरवठा गुरुवारी बंद

पुणे, ता. १८ : महापालिकेच्या बंडगार्डन पाणीपुरवठा विभागामार्फत स्थापत्यविषयक आणि तातडीच्या देखभाल दुरुस्तीची कामे हाती घेण्यात येणार आहे. त्यामुळे येरवडा, टिंगरेनगर आदी भागांतील पाणीपुरवठा गुरुवारी (ता.२१) दिवस बंद राहणार आहे. याशिवाय, शुक्रवारी (ता.२२) उशिरा व कमी दाबाने पाणीपुरवठा होणार असल्याची माहिती महापालिका प्रशासनाने दिली.
‘याकाळात पाण्याचा काटकसरीने वापर करावा,’ असे आवाहन पाणीपुरवठा विभागाने केले आहे. पाणीपुरवठा बंद असणारे भाग : येरवडा, संगमवाडी, टिंगरेनगर, विद्यानगर, वडगावशेरी, खराडी, चंदननगर, सोमनाथनगर, विमाननगर, लोहगाव, विश्रांतवाडी, नागपूरचाळ, येरवडा कारागृह वसाहत, प्रेस कॉलनी, कल्याणीनगर, धानोरी, कलवड, फुलेनगर, साप्रस, शांतिनगर, प्रतिकनगर, कस्तुरबा वसाहत.