ड्रोन, पॅराग्लायडिंग, एअर बलूनवर बंदी

ड्रोन, पॅराग्लायडिंग, एअर बलूनवर बंदी

Published on

पुणे, ता. १५ : भारतीय सैन्याने केलेल्या ‘ऑपरेशन सिंदूर’च्या कारवाईनंतर दहशतवादी संघटनांकडून हल्ला करण्याची शक्यता नाकारता येत नाही. त्या पार्श्वभूमीवर खबरदारी म्हणून शहरात ड्रोन, रिमोट कंट्रोल, मायको-लाइट, एअरक्राफ्ट, पॅराग्लायडर, पॅरामोटर, हॅन्डग्लायडर, हॉटएअर, हॉटएअर बलूनच्या उड्डाणास पोलिस प्रशासनाने बंदी घातली आहे. १२ जूनपर्यंत ही बंदी असणार आहे. पोलिस सहआयुक्त रंजन कुमार शर्मा यांनी याबाबतचा आदेश काढला आहे. दहशतवादी किंवा राष्ट्रविरोधी घटक ड्रोन, रिमोट कंट्रोल, मायको-लाइट, एअरक्राफ्ट, पॅराग्लायडरचा वापर करून त्यांद्वारे हल्ला करू शकतात. महत्त्वाची धार्मिक, पर्यटनस्थळे तसेच महत्त्वाच्या व्यक्तींना लक्ष्य करू शकतात. तसेच सार्वजनिक मालमत्तेचे नुकसान करत शहर पोलिस आयुक्तालय क्षेत्रात कायदा व सुव्यवस्था बिघडवू शकतात. त्या पार्श्वभूमीवर हा आदेश जारी केले आहे.
पुणे शहर पोलिसांकडून हवाई पाळत ठेवणे किंवा पोलिस उपायुक्त विशेष शाखा यांच्या लेखी विशिष्ट परवानगीने करण्यात येणारी कारवाई यास अपवाद राहील, असेही शर्मा यांनी सांगितले. आदेशाचे उल्लंघन करणाऱ्या व्यक्तींविरोधात भारतीय न्याय संहितेनुसार दंडात्मक कारवाई करण्यात येईल, असेही आदेशात नमूद केले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com