सिद्धार्थ शिरोळे

विद्यापीठ चौकातील पूल
१५ जूनपर्यंत खुले होणार
पुणे, ता. १८ ः सावित्रीबाई फुले विद्यापीठ चौकातील मेट्रोच्या दुहेरी उड्डाणपुलांचे काम वेगात सुरू आहे. औंधकडून गणेशखिंडकडे जाणारा पूल एप्रिलच्या पहिल्या आठवड्यात वाहनांसाठी खुला होईल. गणेशखिंड रस्त्याने बाणेर आणि पाषाणकडे जाणारा पूल १५ जूनपर्यंत सुरू करण्यात येईल. मेट्रोचा पूल आणि स्थानक बांधण्याचे काम वेगाने सुरू असल्याची माहिती आमदार सिद्धार्थ शिरोळे यांनी दिली. त्यांनी शनिवारी ‘पीएमआरडीए’च्या (पुणे महानगर प्रदेश विकास प्राधिकरण) अधिकाऱ्यांसमवेत विद्यापीठ चौकातील कामाची पाहणी केली. मुख्य अभियंता रिनाज पठाण, मेट्रोची उभारणी करणाऱ्या टाटा कंपनीचे अधिकारी, वाहतूक पोलिस विभागाचे उपायुक्त अमोल झेंडे, सहाय्यक आयुक्त नंदा वग्याणी, पोलिस निरीक्षक मीनल पाटील, सुनील गवळी, फौजदार नरेंद्र मुंढे यावेळी उपस्थित होते.
.......