पिस्तूल दाखवत जीवे मारण्याची धमकी

पुणे, ता. २४ : कॅम्प परिसरात एका महिलेची मोटार रस्त्यात थांबवून पिस्तूल दाखवत जीवे मारण्याची धमकी दिल्याप्रकरणी लष्कर पोलिस ठाण्यात गुन्हा दाखल करण्यात आला. ही घटना ऑगस्ट २०२४ मध्ये घडली होती. याबाबत महिलेने तक्रार अर्ज दिला होता. त्यावरून प्रिया सिंग नावाच्या महिलेसह दोघांवर गुन्हा दाखल केला आहे. ही घटना लष्कर पोलिस ठाण्याजवळील गुरुद्वारा रस्त्याच्या पुढील चौकात घडल्याचे तक्रारीत नमूद केले आहे. तक्रारदार महिलेने आरोपी महिलेच्या विरोधात अर्ज दिले होते. ते मागे घेण्यासाठीही धमकी दिल्याचा दावा तक्रारीत केला आहे.