जन सामान्य पक्ष पालिका निवडणूक लढविणार

पुणे, ता. ३० : आगामी पुणे व पिंपरी-चिंचवड महापालिका निवडणूक जनसामान्य पक्ष स्वतंत्रपणे लढणार असल्याची घोषणा पक्षाचे अध्यक्ष रामभाऊ वाघमारे यांनी शुक्रवारी पत्रकार परिषदेत केली. याप्रसंगी पक्षाचे प्रवक्ते मधुकर पाथरकर, शहर महिला आघाडीच्या अध्यक्षा ॲड. पौर्णिमा कोलते, कलावती तुपसौंदर आदी उपस्थित होते. पक्षातर्फे लवकरच दोन्ही शहरांतील प्रभागांमध्ये जनसंपर्क अभियान व मतदार संवाद मोहीम राबविण्यात येणार असून, स्थानिक स्वराज्य संस्थांमध्ये सामान्य जनतेचा आवाज प्रभावीपणे पोहोचविणार असल्याचे वाघमारे यांनी सांगितले.