कर्तृत्ववान महिलांना आर्यन्स नवदुर्गा पुरस्कार

पुणे, ता. १ : आर्यन्स ग्रुप ऑफ कंपनीतर्फे दरवर्षीप्रमाणे यंदाही विविध क्षेत्रांतील कर्तृत्ववान महिलांना ‘आर्यन्स नवदुर्गा’ पुरस्काराने सन्मान करण्यात येणार आहे. त्यामध्ये प्रसन्न आॅटिझम सेंटरच्या डॉ. साधना गोडबोले (पुणे), मधुर भाव फाउंडेशनच्या अध्यक्ष अंजली देशपांडे (पुणे), कामा हॉस्पिटलच्या प्रमुख परिचारिका अंजली कुलथे (मुंबई), अवनी ऑर्गनायझेशनच्या अनुराधा भोसले (कोल्हापूर), मिक्स मार्शल आर्ट्सच्या हीना मुल्ला (ठाणे), आंतरराष्ट्रीय दृष्टिहीन जलतरणपटू कांचनमाला पांडे (नागपूर), मानमोडे शेतकरी उत्पादक कंपनीच्या साळुंखा सुळे (नंदुरबार), सिर्फ फाउंडेशनच्या अध्यक्ष सुमेधा चिथडे (पुणे) व योगिता गायकवाड यांना पुरस्कार जाहीर झाला आहे. ओमा फाउंडेशनकडून पुरस्कार्थींना सन्मानचिन्ह, मानपत्र आणि प्रत्येकी २१ हजार रुपये देण्यात येणार आहे.