‘यिन’तर्फे नवदुर्गा अभियान पुरस्कार

पुणे, ता. ४ : ‘सकाळ माध्यम समूहा’च्या ‘यंग इन्स्पिरेटर्स नेटवर्क’ (यिन) आणि एसएनडीटी महिला विद्यापीठाच्या होम सायन्सच्या वतीने नवरात्रीनिमित्त ‘नवदुर्गा अभियान पुरस्कार’ सोहळ्याचे आयोजन करण्यात आले होते. यात कला, सामाजिक, शासकीय सेवा, वैद्यकीय, उद्योग, शिक्षण, आरोग्य, योग अशा विविध क्षेत्रात उल्लेखनीय कार्य करणाऱ्या महिलांना ‘नवदुर्गा अभियान पुरस्कार’ प्रदान करून त्यांना सन्मानित करण्यात आले.
या कार्यक्रमाला महाविद्यालयाचे प्राचार्य डॉ. गणेश चव्हाण, प्रा. वीरेंद्र नगराळे, सचिन देवरे, प्रमिला पाटील, रचना शिखरे, विलास जाधव, डॉ. भास्कर इगवे, वृषाली नगराळे, डॉ. प्रीती पाटणकर, डॉ. अमर ढेरे, डॉ. ललिता भगत, हेमंत पाटील, ‘यंग इन्स्पिरेटर्स नेटवर्क’चे पुणे विभागीय अधिकारी शंतनू पोंक्षे आदी उपस्थित होते. पारस शहा आणि अनुजा भिसे यांनी सूत्रसंचालन केले.

आज विविध क्षेत्रात पुरुषांच्या बरोबर आणि त्यांच्याही पुढे जाऊन महिला चांगले कार्य करत आहेत. त्यांची प्रेरणा घेऊन या समाजातील जास्तीत जास्त महिलांनी पुढे जावे, तसेच आजकालच्या काळात महिलांसाठी स्वसंरक्षण हा खूप महत्त्वाचा मुद्दा असून प्रत्येक स्त्रीने आपल्या मर्यादा पाळून आपले अस्तित्व सिद्ध करावे.
- डॉ. गणेश चव्हाण,
प्राचार्य, एसएनडीटी होम सायन्स

यिन नवदुर्गा पुरस्कारार्थी
पल्लवी लेले-निपुणगे (कला क्षेत्र), निशा तेली-क्षिरसागर (आरोग्य), पौर्णिमा मेहता (सामाजिक), अनुजा किणीकर (आहार आणि आरोग्य), ॲड. जान्हवी भोसले (कायदा), रचना कोळी (योग), वैशाली चांदगुडे (पोलिस), शीतल मोरे (संगीत), सरिता वरूडे (सोशल मीडिया).