युवा संगीत संमेलन उत्साहात

पुणे, ता. ७ : ‘मधुकंस’ आणि ‘गांधर्व महावि‌द्यालय पुणे’ यांच्या संयुक्त विद्यमाने नुकतेच युवा संगीत संमेलनाचे आयोजन करण्यात आले होते. विनायक कुलकर्णी यांच्या स्मृतीला समर्पित असलेल्या या संमेलनाचे उद्‍घाटन डॉ. प्रकाश कुलकर्णी यांच्या हस्ते करण्यात आले.
तीन सत्रांत आयोजित करण्यात आलेल्या या संमेलनात पहिल्या सत्रात देवश्री भिडे यांनी शास्त्रीय गायन सादर केले. शंतनू गोखले यांनी संतूर वादन केले, तर मानसी भागवत यांनी एकल कथक नृत्य प्रस्तुत केले. वेदांग क्षीरसागर यांनी एकल तबलावादन प्रस्तुत केले. सत्राच्या शेवटी मधुश्री नारायण यांनी गायन केले. अखेरच्या सत्राची सुरुवात मालू गावकर यांच्या एकल संवादिनीने झाली. वरद दलाल यांनी गायन सादर केले. त्यानंतर भास्कर जोशी आणि गांधर्व महावि‌द्यालय पुणे यांच्या सौजन्याने देण्यात येणारा ‘पंडित रामकृष्ण वझे बुवा पुरस्कार’ विलिना पात्रा यांना प्रदान करण्यात आला. या संमेलनाचा समारोप विलिना यांच्या गायनाच्या कार्यक्रमाने झाला. सूत्रसंचालन विदुला रानडे, मीना भिडे आणि शीतल देवधर यांनी केले.