‘एमआयटी एडीटी’ विद्यापीठात ‘क्वासार-२०२५’ आजपासून

पुणे, ता. २९ : एमआयटी आर्ट, डिझाइन आणि टेक्नॉलॉजी विद्यापीठाच्या एमआयटी इन्स्टिट्यूट ऑफ डिझाइन (एमआयटी-आयडी) तर्फे विद्यापीठाची राष्ट्रीय डिझाइन परिषद ‘क्वासार २०२५- डिझाईनिंग व्हॉटस नेक्स्ट’ गुरुवार (ता. ३०) व शुक्रवारी (ता. ३१) होणार आहे.
या परिषदेत डिझाईन्स क्षेत्राच्या भविष्यदृष्टीचा वेध घेण्यात येणार आहे, अशी माहिती एमआयटी इन्स्टिट्यूट ऑफ डिझाइनचे अधिष्ठाता डॉ. नचिकेत ठाकूर यांनी पत्रकार परिषदेत दिली.
ते म्हणाले, ‘‘‘क्वासार’च्या माध्यमातून पुढील दोन दिवस विद्यापीठात व्याख्याने, चर्चासत्रे, संशोधन पोस्टर सादरीकरणे, डिझाइन प्रदर्शने आणि सांस्कृतिक कार्यक्रमांची रेलचेल असेल. तसेच कृत्रिम बुद्धिमत्तेवर आधारित दृश्य संवाद, सर्जनशील अनुभव, पॅकेजिंग डिझाइन, स्टॉप-मोशन अॅनिमेशन, ट्रान्स्पोर्टेशन डिझाइन, युआय-युएक्स आणि मटेरिअल इनोव्हेशन यांसारख्या विषयांवरील कार्यशाळाही होणार आहेत.’’