‘युगप्रवर्तक डॉ. हेडगेवार’ नाटकाचे सादरीकरण

पुणे, ता. ३१ ः ‘सुमीत ग्रुप एंटरप्रायझेस’ यांच्या वतीने राष्ट्रीय स्वयंसेवक संघाचे संस्थापक डॉ. केशव हेडगेवार यांच्या जीवनप्रवासावर आधारित ‘युगप्रवर्तक डॉ. हेडगेवार-संघ सृजनाचा भव्य नाट्याविष्कार’ या नाट्यप्रयोगाचे सादरीकरण करण्यात आले. चिंचवडच्या प्रा. रामकृष्ण मोरे नाट्यगृह आणि हडपसरच्या विठ्ठलराव तुपे नाट्यगृहात या नाटकाचे प्रयोग सादर झाले. नागपूरच्या नादब्रह्म संस्थेच्या कलाकारांनी हे नाटक सादर केले. डॉ. अजय प्रधान लिखित या नाटकाचे दिग्दर्शन सुबोध सूरजीकर यांचे आणि निर्मिती पद्माकर धनोरकर यांची होती. याप्रसंगी सुमीत ग्रुप एंटरप्रायझेसचे उपाध्यक्ष सुमीत साळुंखे उपस्थित होते.