कबीर पटेल यांच्या छायाचित्रांचे उद्यापासून प्रदर्शन

पुणे, ता. ३१ ः छायाचित्रकार कबीर पटेल यांच्या २५ वर्षांच्या भटकंतीतील छायाचित्रांचे प्रदर्शन बालगंधर्व काला दालनात होणार आहे. हे प्रदर्शन रविवार (ता. २) आणि सोमवारी (ता. ३) सकाळी दहा ते रात्री आठ या वेळेत सर्वांसाठी खुले राहणार आहे. या प्रदर्शनाचे उद्‍घाटन अभिनेत्री मृणाल कुलकर्णी आणि कोहिनूर समूहाचे अध्यक्ष कृष्णकुमार गोयल यांच्या हस्ते होणार आहे. यावेळी महाराष्ट्र चित्रपट महामंडळाचे अध्यक्ष मेघराज भोसले, ब्रिगेडियर (निवृत्त) रमाकांत खैरे आदी उपस्थित असतील. या प्रदर्शनाचा लाभ जास्तीत जास्त पुणेकरांनी घ्यावा, असे आवाहन आयोजकांनी केले आहे.