सुहास उडुपीकर यांचा शुक्रवारी सत्कार

पुणे, ता. ३ ः खाद्यसेवा पुरविणाऱ्या न्यू पूना बोर्डिंग हाउसला शंभर वर्षे पूर्ण होत असल्याचे निमित्त साधून आडकर फाउंडेशनतर्फे भोजनालयाचे संचालक सुहास उडुपीकर यांचा सत्कार शुक्रवारी (ता. ७) सकाळी ११ वाजता महाराष्ट्र साहित्य परिषदेच्या माधवराव पटवर्धन सभागृहात होणार आहे. अखिल भारतीय मराठी साहित्य महामंडळाचे अध्यक्ष प्रा. मिलिंद जोशी यांच्या हस्ते सत्कार होणार असून, महाराष्ट्र आर्थिक विकास मंडळाचे उपाध्यक्ष सचिन ईटकर यांची विशेष उपस्थिती असेल, अशी माहिती आडकर फाउंडेशनचे अध्यक्ष ॲड. प्रमोद आडकर यांनी निवेदनाद्वारे कळविली आहे.