‘गार्गी बाय पीएनजी’ची विक्रीत १०२ टक्क्यांनी वाढ

पुणे, ता. ३ ः गार्गी बाय पीएनजीने आर्थिक वर्ष २०२५-२६ च्या दुसऱ्या तिमाहीमध्ये गेल्या आर्थिक वर्षातील दुसऱ्या तिमाहीच्या तुलनेत विक्रीत १०२ टक्के वार्षिक वाढ केली आहे.
यंदाच्या दुसऱ्या तिमाहीत ४६.४५ कोटींची विक्री झाली असून, गेल्या वर्षी ती २२.९५ कोटी रुपये होती. यंदाच्या पहिल्या तिमाहीत झालेल्या २७.३१ कोटींच्या तुलनेत ७० टक्के आनुक्रमिक वाढ झाली आहे. ही दमदार महसूल वाढ ‘गार्गी’च्या फॅशन ज्वेलरी क्षेत्रातील वाढत्या वर्चस्वाचे आणि नवीन प्रदेश व ग्राहकवर्गात विस्तार करण्याच्या यशस्वी धोरणाचे निदर्शक आहे. या तिमाहीतील ऑपरेटिंग नफा १३.०१ कोटी इतका झाला असून, त्यात ८७.४ टक्के वार्षिक वाढ आणि १०५ टक्के तिमाही वाढ नोंदली गेली आहे. निव्वळ नफा १०.२७ कोटी इतका झाला असून, तो मागील वर्षीच्या याच तिमाहीतील ५.०९ कोटींच्या तुलनेत १०१ टक्क्यांनी वाढलेला आहे.
याबाबत कंपनीच्या व्यवस्थापनाने सांगितले, की दुसरी तिमाही ‘गार्गी’च्या वाढीच्या कहाणीतील आणखी एक महत्त्वाचा टप्पा आहे. उत्पादन डिझाइन, ब्रँड अनुभव आणि डिजिटल परिवर्तनावर आम्ही लक्ष केंद्रित केले आहे. सणासुदीच्या काळात आम्ही ही वाढीची गती कायम ठेवू, असा आम्हाला विश्वास आहे.’’
---------