मेगा जीपीकॉन वैद्यकीय परिषद शनिवारपासून

पुणे, ता. ४ ः जनरल प्रॅक्टिशनर्स असोसिएशनच्या वतीने ३५वे वार्षिक मेगा जीपीकॉन या वैद्यकीय अधिवेशनाचे आयोजन करण्यात आले आहे. वैद्यकीय क्षेत्रातील संशोधन, आधुनिक तंत्रज्ञान आणि प्रात्यक्षिक अनुभव यांची देवाणघेवाण साधण्यासाठी दोन दिवसीय वैद्यकीय परिषद पुण्यातील अण्णाभाऊ साठे सभागृहात आठ आणि नऊ नोव्हेंबरला सकाळी नऊ ते पाच यावेळेत आयोजित करण्यात आली आहे. या परिषदेत देशातील आणि राज्यातील नामवंत डॉक्टर विविध विषयांवर आपले विचार मांडणार आहेत, अशी माहिती परिषदेचे अध्यक्ष डॉ. सुनील भुजबळ आणि सचिव डॉ. भाग्यश्री मुनोत-मेहता यांनी मंगळवारी (ता. ४) पत्रकार परिषदेत दिली.
यावेळी आयोजन सचिव डॉ. राजेश दोशी, आयोजन सह-अध्यक्ष डॉ. अप्पासाहेब काकडे उपस्थित होते. अधिवेशनाच्या पहिल्या दिवशी (ता. ८) डॉ. ऊर्मी सेठ ‘हिमॅटोलॉजी’ या विषयावर उद्‍घाटनपर व्याख्यान देतील.