‘द एलिफण्ट’तर्फे ‘टॉय रेंटल’ लायब्ररी

पुणे, ता. १० : लहान मुलांना कायमच नवनव्या खेळण्याचे आकर्षण असतं. आता पालकांना मुलांसाठी नवनवीन खेळणी उपलब्ध करून देण्यासाठी ती विकतच घ्यावी, असे काही असणार नाही, तर मुलांसाठी पालक आता खेळणी घर बसल्या ‘टॉय रेंटल लायब्ररी’द्वारे भाड्याने घेऊ शकणार आहेत.
‘द एलिफण्ट’ कंपनीतर्फे देशातील पहिली मोबाईल अॅप-आधारित लायब्ररी उपलब्ध करून देण्यात आली आहे. याद्वारे पालक आपल्या १२ वर्षांपर्यंतच्या मुलांसाठी अत्यंत कमी किमतीत अमर्यादित खेळणी भाड्याने घेऊ शकतात. ही खेळणी उच्च-गुणवत्तेची, स्वच्छ, सुरक्षित आणि मुलांच्या गरजेनुसार निवडलेली आहेत. यामध्ये लहान मुलांसाठी गोष्टींची व विविध चित्र असलेल्या पुस्तकांचा देखिल समावेश आहे, अशी माहिती ‘द एलिफण्ट’चे संस्थापक सौरभ जैन यांनी दिली.
जैन म्हणाले, ‘‘पालक मुलांसाठी उत्साहाने नवनवी खेळणी आणतात, पण काही दिवसांतच ती खेळणी कोपऱ्यात पडून राहते आणि घरात पसारा वाढतो. तसेच खेळण्यांवर पालकांचा खूप खर्च देखिल होतो. ‘द एलिफण्ट’मुळे पालकांचा खर्च कमी होणार आहे, तसेच मुलांना सतत नवीन खेळणी हाताळायला मिळणार आहेत.’’