चौकशी समितीचे कामकाज सुरू

पुणे, ता. १० ः मुंढवा प्रकरणी शासनाने केलेल्या चौकशी समितीची प्राथमिक बैठक सोमवारी विभागीय आयुक्त कार्यालयात झाली. समितीमधील सदस्यांना विविध कागदपत्रांच्या तपासणीची जबाबदारी देण्यात आली आहे.
शासनाने नियुक्त केलेल्या समितीमध्ये अतिरिक्त मुख्य सचिव विकास खारगे, पुणे विभागाचे विभागीय आयुक्त डॉ. चंद्रकांत पुलकुंडवार, जमाबंदी आयुक्त डॉ. सुहास दिवसे, नोंदणी महानिरीक्षक व मुद्रांक नियंत्रण रवींद्र बिनवडे, जिल्हाधिकारी जितेंद्र डुडी यांचा समावेश आहे. समितीच्या कामकाजाला सोमवारपासून सुरवात झाली. भविष्यात अशा प्रकारच्या घडू नयेत, यासाठी कोणत्या खबरदारीच्या उपाययोजना करता येतील त्याची शिफारशी सरकारकडे करण्याची जबाबदारी समितीकडे देण्यात आली आहे. त्याचबरोबर समितीला प्रकरणात नेमकी अनियमितता झाली आहे किंवा नाही याबाबत चौकशी करण्याचे आदेश दिले आहे. दरम्यान, बैठकीतील तपशिलाबाबत अतिशय गुप्तता पाळण्यात येत आहे.