सेडॅन ‘फोक्‍सवॅगन व्‍हर्टस’ची सेडॅन क्षेत्रात वेगळी ओळख

पुणे, ता. १२ : भारतीय बाजारपेठेत प्रवेश केल्यापासून केवळ तीन वर्षांतच ‘फोक्सवॅगन व्हर्टस’ने प्रीमियम सेडॅन क्षेत्रात आपली वेगळी ओळख निर्माण केली आहे. ‘मेड इन इंडिया, फॉर इंडिया अँड द वर्ल्ड’ या तत्त्वज्ञानावर आधारित व्हर्टसने आपला तिसरा वर्धापन दिन साजरा करताना ३२ टक्के श्रेणी हिस्सा (वायटीडी २५) संपादन करत प्रीमियम सेडॅन क्षेत्रातील सातत्यपूर्ण कार्यक्षम चारचाकी म्हणून स्थान मिळविले आहे.
देशातील ग्राहकांमध्ये विश्‍वासार्हतेचा नवा मानदंड उभा करत आकर्षक डिझाइन, जर्मन दर्जा आणि जोशपूर्ण कामगिरीमुळे व्हर्टसने चारचाकीप्रेमींचा एक मोठा चाहता वर्ग निर्माण केला आहे. बाजारपेठेत आल्यापासून फक्‍त तीन वर्षांमध्‍ये व्‍हर्टसने उल्‍लेखनीय यश गाठले असून, ही देशातील ग्राहकांसाठी विश्वसनीय निवड बनली आहे. व्‍हर्टसने गेल्‍या वर्षीच्‍या तुलनेत ७ टक्‍क्‍यांची (वायटीडी २५) उत्तम वाढ केली आहे.
या यशाबद्दल फोक्सवॅगन पॅसेंजर कार्स इंडियाचे ब्रँड संचालक नितीन कोहली म्हणाले, ‘‘आम्‍हाला आनंद होत आहे की, व्‍हर्टस प्रीमियम सेडॅन श्रेणीचे नेतृत्‍व करत आहे. ती महत्त्वाकांक्षी, स्टाइलप्रिय ग्राहकांची पहिली पसंत बनली आहे. ग्राहकांचा विश्वास आणि प्रेम यामुळेच हे यश शक्य झाले. आम्ही नावीन्यपूर्ण उत्पादने आणि आत्मविश्वास वाढवणारी सेवा देण्यावर भर देत आहोत.’’