श्री तुळशीबाग ट्रस्टतर्फे पौरोहित्य करणाऱ्यांचा सन्मान

पुणे, ता. १३ : भक्ती, धर्मशास्त्र आणि वैदिक परंपरेचा समन्वय साधत पिढ्यान् पिढ्या श्रद्धेने भगवंताची सेवा करणाऱ्या विविध गणपती मंदिरांतील गुरुजींचा सन्मान करण्यात आला. हा सोहळा मानाचा चौथा गणपती श्री तुळशीबाग सार्वजनिक गणेशोत्सव मंडळ ट्रस्टच्या वतीने शतकोत्तर रौप्यमहोत्सवी वर्षानिमित्त सारसबाग गणपती मंदिराच्या प्रांगणात आयोजित केला होता.
तुळशीबाग गणपतीची प्रतिमा, सन्मानपत्र, उपरणे, श्रीफळ असे सन्मानाचे स्वरूप होते. या कार्यक्रमात चिंचवड देवस्थान ट्रस्टचे मुख्य विश्वस्त मंदार महाराज देव, कसबा गणपती मंडळाचे अध्यक्ष श्रीकांत शेटे, अखिल मंडई मंडळाचे अध्यक्ष अण्णा थोरात, श्री देवदेवेश्वर संस्थानचे मुख्य विश्वस्त रमेश भागवत, श्रीमंत दगडूशेठ हलवाई गणपती ट्रस्टचे अध्यक्ष सुनील रासने, कोषाध्यक्ष महेश सूर्यवंशी, तांबडी जोगेश्वरी मंडळाचे प्रशांत टिकार, श्रीमंत भाऊसाहेब रंगारी गणपती मंडळाचे अध्यक्ष संजीव जावळे, श्री तुळशीबाग गणपती मंडळाचे अध्यक्ष विकास पवार, कोषाध्यक्ष नितीन पंडित, मयूर दिवेकर, अभिनेत्री वाळके आदी उपस्थित होते.