‘एसपीआय’च्या सदस्यपदी नितीन वैद्य यांची नियुक्ती

पुणे, ता. २० : एअर व्हाइस मार्शल नितीन वैद्य (निवृत्त) यांची राज्य सरकारने छत्रपती संभाजीनगर येथील ‘सर्व्हिसेस प्रिपरेटरी इन्स्टिट्यूट’ (एसपीआय) या सैनिकी सेवापूर्व शिक्षण संस्थेच्या नियामक मंडळावर सदस्य म्हणून नियुक्ती केली आहे. वैद्य हे पुणे येथील रहिवासी असून ते अखिल भारतीय पूर्व सैनिक सेवा परिषदेच्या महाराष्ट्र आणि गोवा राज्याचे उपाध्यक्ष आहेत. अखिल भारतीय पूर्व सैनिक सेवा परिषद ही केंद्र सरकार मान्यताप्राप्त संस्था असून ती पूर्व सैनिक, वीरपत्नी आणि वीरमाता यांच्या कुटुंबाच्या कल्याणासाठी राष्ट्रीय स्तरावर महत्त्वपूर्ण कार्य करते.