सीकेवायसीबाबत जनजागृती कार्यशाळा

पुणे, ता. १८ : ‘सेंट्रल रजिस्ट्री ऑफ सिक्युरिटायझेशन अ‍ॅसेट रिकन्स्ट्रक्शन अ‍ॅण्ड सिक्युरिटी इंटरेस्ट ऑफ इंडिया’ आणि पुणे जिल्हा मध्यवर्ती सहकारी बँक यांच्या संयुक्त विद्यमाने सीकेवायसी जनजागृती कार्यशाळा झाली.

२०२५ हे आंतरराष्ट्रीय सहकार वर्ष म्हणून साजरे करण्यात येत असल्याने, त्यानिमित्ताने ही कार्यशाळा आयोजित केली होती. या कार्यक्रमात राष्ट्रीयकृत, खासगी, सहकारी बँका तसेच एनबीएफसी यांसारख्या वित्तीय संस्थांचे अधिकारी उपस्थित होते. कार्यक्रमाच्या उद्‍घाटनप्रसंगी सरसाईचे व्यवस्थापकीय संचालक आणि मुख्य कार्यकारी अधिकारी उमेशकुमार सिंग, उपसंचालक व्ही. पी. सिंग, फायनान्शियल इंटेलिजन्स युनिटचे उपसंचालक जी. आनंद, नाबार्डचे सरव्यवस्थापक प्रभाग केशवा आणि रिझर्व्ह बँक ऑफ इंडियाचे साहाय्यक सरव्यवस्थापक अनमोल चोप्रा आदी उपस्थित होते.

कार्यशाळेत उमेशकुमार सिंग यांनी बँकिंग क्षेत्रातील कार्यपद्धती, सरसाई आणि फायनान्शियल इंटेलिजन्स युनिट यांच्याकडून अपेक्षित असलेल्या गोष्टी आणि बँकांनी वैधानिक संस्थांना माहिती देताना कोणती काळजी घ्यावी, याबाबत मार्गदर्शन केले. पुणे जिल्हा बँकेचे सरव्यवस्थापक संजय शितोळे यांनी प्रास्ताविक केले. हेरंब मारुलकर यांनी सूत्रसंचालन तर सुधीर पाटोळे यांनी आभार मानले.