महाराष्ट्र तरुण मंडळ, सिटी पोस्ट, बुधवार पेठ

महाराष्ट्र तरुण मंडळाची स्थापना १९५१ मध्ये झाली. मंडळातील पूर्वीचे लोक हे पहिलवान असल्यामुळे स्थापन केलेली श्रीगणेशाची मूर्तीदेखील भव्यदिव्य अशी पहिलवानी स्वरूपाची ११ फूट उंच मूर्ती साकारण्यात आली आहे. मंडळ यंदा अमृत महोत्सवी वर्षात पदार्पण करत आहे. मंडळातर्फे विविध धार्मिक सण उत्साहात साजरे केले जातात. तसेच सर्व धर्मातील कार्यकर्ते मंडळात सक्रिय आहेत. मंडळातर्फे समाजातील दुर्बल घटक, तसेच अनाथ व वृद्धांसाठी विशेष उपक्रम राबविले जातात. त्याचबरोबर आदिवासी लोकांबरोबर दिवाळी साजरी करणे आणि गरजू रुग्णांना आर्थिक व मानसिक मदत करण्यामध्ये मंडळ कार्यरत आहे.

मंडळाचे उपक्रम
- अनाथ मुलांसाठी आंबा महोत्सव व रंगपंचमीचे आयोजन
- रमजान ईद निमित्त गरजू मुस्लिम बांधवांना ईद चे साहित्य वाटप
- अनाथ मुलांसाठी आरोग्य शिबिर
- त्रिपुरारी पौर्णिमेनिमित्ताने शिक्षणाचा दीपोत्सव
- गरजू रुग्णांसाठी अल्प दरात रुग्णोपयोगी साहित्य

मंडळाचे कार्यकर्ते ः अक्षय शिंदे, हनुमंत शिंदे, हृषिकेश शिंदे, इम्रान तांबोळी, सुमीत सावंत