‘माझा शाडू मातीचा गणपती’ उपक्रम

पुणे, ता. ११ ः मुलांना पर्यावरणपूरक गणेशोत्सव साजरा करण्यास प्रोत्साहित करण्यासाठी सनशाईनर ११ एक्स यांच्यातर्फे ५ ते १५ वयोगटातील मुलांसाठी ‘माझा शाडू मातीचा गणपती’ ही कार्यशाळा होणार आहे.
नांदेड सिटी येथे शुक्रवार (ता. १५) ते रविवार (ता. १७) सकाळी नऊ ते सायंकाळी सहा या वेळेत ही कार्यशाळा होणार आहे. हा उपक्रम सर्वांसाठी खुला आहे. या कार्यशाळेत मुलांना शाडू मातीपासून गणपतीची मूर्ती तयार करण्याचे प्रशिक्षण देण्यात येणार आहे. या कार्यशाळेचे उद्‍घाटन सैन्यातील जवानांच्या हस्ते होणार आहे. मुलांमध्ये संस्कृती, सर्जनशीलता व पर्यावरणाप्रति जागरूकता निर्माण करण्याचा या उपक्रमाचा उद्देश असल्याने जास्ती जास्त मुलांनी या उपक्रमात भाग घ्यावा, असे आवाहन आयोजकांनी केले आहे.