पूरग्रस्तांच्या मदतीसाठी विविध संस्थांचा प्रतिसाद

पुणे, ता. १३ ः पूरग्रस्तांसाठी ‘सकाळ रिलीफ फंड’ला राज्यभरातून विविध संस्थांचा प्रतिसाद मिळत असून, जनसामान्यांबरोबरच विविध संस्था, निवृत्त कर्मचारी असोसिएशन, हास्ययोग परिवार, क्रेडिट सोसायटी आणि कंपन्यांकडून मदतीचा ओघ सुरू आहे. नैसर्गिक व मानवनिर्मित आपत्तीच्या वेळी आपद्ग्रस्तांच्या मदतीसाठी धावून जाण्याची परंपरा ‘सकाळ रिलीफ फंड’ने कायम ठेवत राज्यातील पूरग्रस्तांच्या मदतीकरिता समाजाला मदतीचे आवाहन केले आहे.
‘इंडियन बँक रिटायर्ड एम्प्लॉइज वेल्फेअर असोसिएशन, पुणे’ संस्थेच्या एकूण ८० निवृत्त अधिकारी व कर्मचारी सभासदांमार्फत पेन्शनमधील रक्कम एकत्र करून पूरग्रस्तांसाठी ‘सकाळ रिलीफ फंड’ला दोन लाख २२ हजार २२२ रुपयांची मदत दिली आहे. यातील एका सभासदांनी पेन्शनची ५० टक्के रक्कम दिली आहे. याशिवाय ‘नवचैतन्य हास्ययोग परिवार’तर्फे परिवाराच्या पुण्यातील सर्व शाखांमधील सदस्यांनी एकत्र येत ‘सकाळ रिलीफ फंड’ला ७५ हजार चार रुपयांची मदत केली. पुण्यातील ‘संकल्प को. ऑप क्रेडिट सोसा. लि.’तर्फे सोसायटीच्या सभासदांनी एकत्र येत मासिक पगारातील व दिवाळी बोनस मधील रक्कम गोळा करून ५१ हजार रुपयांची मदत केली.

मदत करण्यासाठी
१. IDBI Bank
Name :- Sakal Relief Fund
A/C No: 45910010013026
IFSC: IBKL0000459
Branch :- Laxmi Road, Pune.
या खात्यावर देणगीची रक्कम ऑनलाइन पद्धतीने बँक ट्रान्स्फर करून देणगी देऊ शकता किंवा सोबत दिलेला QR कोड स्कॅन करून गुगल व फोन पेवरून देणगी पाठवू शकता. देणगी बँक खात्यात ट्रान्स्फर केल्यानंतर ८६०५०१७३६६ या व्हॉट्सअ‍ॅप नंबरवर ट्रान्सझॅक्शन तपशील पाठवावेत.

२. मदतीचे धनादेश ‘सकाळ रिलीफ फंड'' या नावाने दैनिक ‘सकाळ’च्या कार्यालयात ११ ते ५ या वेळेत स्वीकारले जातील.
(‘सकाळ रिलीफ फंड’साठीच्या देणग्या प्राप्तिकर कायद्याच्या ८० जी कलमांतर्गत प्राप्तिकर सवलतीस पात्र आहेत.)