आर. आर. काबेल यांच्यातर्फे शिष्यवृत्ती

पुणे, ता. १३ : आर. आर. काबेल यांच्यातर्फे काबेल स्टार शिष्यवृत्ती उपक्रम नुकताच सीओईपी होस्टेलसमोरील फिरोदिया सभागृहात पार पडला. यामध्ये काबेल स्टार सीझन ४ अंतर्गत शहरातील ८१ विद्यार्थ्यांचा गौरव करण्यात आला.

हा अनोखा उपक्रम दहावीची परीक्षा यशस्वीरीत्या उत्तीर्ण करणाऱ्या इलेक्ट्रिशियनच्या मुलांसाठी राबविण्यात येतो. मेहनती आणि हुशार विद्यार्थ्यांच्या उच्च माध्यमिक शिक्षणाला प्रोत्साहन, तसेच पाठबळ देण्यासाठी दरवर्षाला १ कोटी रुपयांहून अधिक निधीची तरतूद काबेल यांच्यातर्फे केली जाते. संचालिका कीर्ती काबरा म्हणाल्या की, सन २०२२ मध्ये काबेल स्टार स्कॉलरशिप हा उपक्रम इलेक्ट्रिशियनच्या मुलांना उच्च शिक्षण देऊन सक्षम करण्यासाठी सुरू करण्यात आला होता. हा उपक्रम सुरू झाल्यापासूनच त्याचा परिवर्तनकारी परिणाम झाला आहे.