‘नगरविकासच्या माध्यमातून लोकमान्यनगरचा प्रश्‍न सोडवू’

पुणे, ता. १३ : ‘लोकमान्यनगरचा प्रश्‍न नगरविकास मंत्रालयाच्या माध्यमातून नक्की सोडवू,’ असे आश्‍वासन उपमुख्यमंत्री आणि नगरविकास मंत्री एकनाथ शिंदे यांनी पुणे लोकमान्यनगर बचाव कृती समितीच्या शिष्टमंडळाला दिले.

लोकमान्यनगर येथील विविध प्रलंबित प्रश्नांसाठी समितीच्या शिष्टमंडळाने पुण्यात एका कार्यक्रमासाठी शिंदे आले असता त्यांची भेट घेतली. या वेळी शिष्टमंडळाने शिंदे यांना निवेदन देत लोकमान्यनगर परिसरातील विकासकामे, पुनर्विकास प्रक्रिया, नागरिकांच्या मालकी हक्काशी संबंधित प्रश्न, तसेच सुविधांच्या अभावाची माहिती दिली. तेव्हा शिंदे यांनी नगरविकास मंत्रालयाच्या माध्यमातून लोकमान्यनगरचा प्रश्‍न नक्की सोडवू, असे आश्‍वासन दिले.
ॲड. गणेश सातपुते यांच्या नेतृत्वाखाली गेलेल्या शिष्टमंडळात हेमंत पाटील, कपिल पाटील, वैभव ललवाणी, कुणाल पाटील, ज्योती गुजर, सुनील कुसूरकर, मुकेश वैराट आदी रहिवासींचा समावेश होता.