कोंढव्याचे वरिष्ठ निरीक्षक पाटणकर यांची नियंत्रण कक्षात बदली

पुणे : कोंढवा पोलिस ठाण्याचे वरिष्ठ पोलिस निरीक्षक विनय पाटणकर यांची सोमवारी (ता. १३) पोलिस नियंत्रण कक्षात बदली करण्यात आली. पोलिस आयुक्त अमितेश कुमार यांनी रात्री उशिरा याबाबतचा आदेश काढला. प्रशासकीय कारणास्तव ही बदली करण्यात आल्याचे आदेशात म्हटले आहे. कोंढवा भागातील पिसोळी परिसरात रविवारी रात्री वाहतूक पोलिस कर्मचाऱ्यास बेदम मारहाण केल्याची घटना घडली. तसेच सोमवारी लाचलुचपत प्रतिबंधक विभागाने कोंढवा पोलिस ठाण्यासमोरच एका पोलिस कर्मचाऱ्यावर लाच घेतल्याप्रकरणी कारवाई केली. मात्र या बदलीमागे नेमके कोणते कारण आहे, हे समजू शकले नाही.