मानसोपचार संघटना परिषदेत ‘वायसीएम’ची आघाडी
पुणे, ता. १५ : पश्चिम विभागीय मानसोपचार संघटनेच्या वार्षिक परिषदेत पिंपरीतील यशवंतराव चव्हाण वैद्यकीय महाविद्यालय व रुग्णालयाच्या (वायसीएम) मानसोपचार विभागाकडून संशोधन आणि पोस्टरचे सादरीकरण करण्यात आले. मुंबईमध्ये झालेल्या या परिषदेत मानसोपचारतज्ज्ञ डॉ. हर्षदा देवकते यांचा संशोधनपर प्रबंध हा ‘ए. व्ही. शाह पुरस्कार’ श्रेणीत सादरीकरणासाठी निवडला गेला, तर मानसोपचारतज्ज्ञ डॉ. विधू अरोरा यांच्या पोस्टरला डॉ. आय. के. मुजावर पुरस्कार प्राप्त झाला.
डॉ. देवकते यांनी ‘शाळेत जाणाऱ्या किशोरवयीन मुलांमधील इंटरनेटच्या वापराचा आणि झोपेच्या गुणवत्तेचा संबंध- एक आढावा’ या विषयावर प्रबंध सादर केला होता, तर डॉ. विधू अरोरा यांनी ‘दारूच्या व्यसनाने प्रौढ रुग्णांमधील विकाराचा आणि त्याच्या वैद्यकीय संबंधांचा अभ्यास- एक आढावा’ या विषयावर पोस्टर प्रदर्शन सादर केले होते.
पश्चिम विभागातील मानसोपचार तज्ज्ञ, संशोधक आणि विद्यार्थ्यांसाठी दरवर्षी आयोजित केली जाणारी एक अत्यंत प्रतिष्ठित व शैक्षणिकदृष्ट्या समृद्ध वैज्ञानिक परिषद आहे. याबाबत ‘वायसीएम’चे अधिष्ठाता डॉ. राजेंद्र वाबळे, मानसोपचार विभागप्रमुख डॉ. मनजित संत्रे यांच्यासह विभागातील सहकाऱ्यांचे मार्गदर्शन त्यांना लाभले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.