श्रीरम मंदिरात रंगली ‘दिवाळी पहाट’

पुणे, ता. १६ ः के अॅंड क्यू परिवारातर्फे सामाजिक भान आणि सांस्कृतिक जाणिवेची सांगड घालणारा ‘दिवाळी पहाट’ हा कार्यक्रम तुळशीबाग येथील श्रीराम मंदिरात गुरुवारी उत्साहात झाला.
कार्यक्रमात केतकी फडके-शहा आणि त्यांच्या विद्यार्थिनींनी पारंपरिक कथक नृत्याच्या माध्यमातून राम स्तुतिपर रचनांचे मनमोहक सादरीकरण केले. तसेच रस्त्यावरील मुलांसाठी फुटपाथ शाळा, दररोज दूध वाटप, तृतीयपंथियांसाठी शौचालय, वृद्धांसाठी ‘वृद्धसखा’ उपक्रम, व्यसनमुक्ती, महिला सक्षमीकरण आदी सामाजिक कार्यासाठी तृतीयपंथी डॉ. आम्रपाली मोहिते यांना गौरविण्यात आले. याप्रसंगी मुकुंद भवन ट्रस्टचे पुरुषोत्तम लोहिया, ताराचंद रामनाथ हॉस्पिटलचे नंदकिशोर राठी, के अॅंड क्यू परिवाराचे प्रमोद मालपाणी, उमेश कासट, राहुल इंदाणी, विजयराज मुंदडा, लक्ष्मीकांत मुंदडा, मनोज जाजू, कमल सोमाणी, सारिका खड्लोया, पूजा बलदुआ आदी उपस्थित होते. डॉ. मोहिते म्हणाल्या, ‘‘मी मूल जन्माला घालू शकत नसले, तरीही आज मी असंख्य मुलांची आई आहे. मी फक्त तृतीयपंथी समाजासाठी काम करत नाही, तर वेदनेने ग्रस्त समाजातील प्रत्येक घटकासाठी काम करते.’’