शब्दगांधार दिवाळी अंकाचे प्रकाशन

‘शब्दगांधार’ चे प्रकाशन

पुणे, ता. १८ ः स्वरमहिमा प्रकाशनाच्या ‘शब्दगांधार’ या दिवाळी अंकाचे प्रकाशन ज्येष्ठ लेखक प्रा. डॉ. सुधीर जोशी यांच्या हस्ते झाले. याप्रसंगी विचारवंत अविनाश भालेराव, उद्योजक विजयकुमार मर्लेचा, अंकाचे संपादक चारुशीला बेलसरे, डॉ. अरविंद नेरकर आदी उपस्थित होते.
‘‘शब्दगांधार दिवाळी अंक दर्जेदार आणि साहित्यमूल्य जपणारा आदर्श दिवाळी अंक आहे. नव्याने लिहिणाऱ्या लेखकांना शब्दगांधारने वेळोवेळी प्रसिद्धी देऊन प्रोत्साहन दिले आहे,’’ असे मत डॉ. जोशी यांनी व्यक्त केले. बेलसरे आणि नेरकर यांनी अंकाची माहिती दिली. बेलसरे यांनी निवडक जुनी हिंदी चित्रपटगीते सादर केली. नेहा हवेली यांनी सूत्रसंचालन केले. डॉ. गौरी नेरकर-चंद्र यांनी आभार मानले.