पारंपरिक, डिझायनर साड्यांची ‘स्वामिनी’मध्ये रेलचेल

पुणे, ता. १९ : दिवाळीच्या मंगलमय पर्वावर महिलांचा उत्साह द्विगुणित करण्यासाठी कुमठेकर रस्त्यावरील ‘साड्यांची महाराणी स्वामिनी’ सज्ज झाली आहे. पारंपरिक, फॅन्सी, डिझायनर्स अशा वैविध्यपूर्ण आणि कलात्मक साड्यांच्या नव्या संग्रहामुळे ‘स्वामिनी’चे दालन महिलांच्या पसंतीचे केंद्र ठरले आहे.
दिवाळीच्या सिझनसाठी ‘स्वामिनी’चे संचालक नावेद आणि जावेद यांनी विशेष तयारी केली आहे. यासाठी त्यांनी देशातील प्रत्येक प्रांतात जाऊन तेथील नामवंत विणकरांकडून खास साड्या निवडल्या आहेत. यामुळे स्वामिनीचे दालन यंदाही नावीन्यपूर्ण आणि कलात्मक साड्यांनी बहरले आहे. पैठणीपासून नऊवारीपर्यंत, तसेच फॅन्सी आणि डिझायनर साड्यांचा उत्तम संग्रह येथे उपलब्ध आहे.
महिलांची अभिरुची आणि भारतीय संस्कृतीचा वारसा जपत स्वामिनी समाजमाध्यमांवर देखील सक्रिय आहे. आकाशवाणीवरील आदिशक्ती, ‘नद्यांची कहाणी- जीवनदायिनी, ‘व्रतकथामाला’ अशा विविध कार्यक्रमांतून ‘स्वामिनी’ भारतीय संस्कृतीचे दर्शन घडवत आहे.