बांधकाम व्यवसाय पर्यवेक्षक प्रशिक्षण

पुणे, ता. १९ : स्थापत्य अभियांत्रिकीची कोणतीही पार्श्वभूमी नसलेली व्यक्तीही योग्य प्रशिक्षणानंतर बांधकाम उद्योगात आपला व्यवसाय सुरू करू शकते अथवा करिअर घडवू शकते. या पार्श्वभूमीवर २० दिवसांचे प्रगत बांधकाम पर्यवेक्षक (कन्स्ट्रक्शन सुपरवायझर) प्रशिक्षण २३ जूनपासून सुरु होत आहे. यामध्ये बांधकाम उद्योगात नोकरी मिळण्याची शक्यता वाढवणारे, स्थापत्य अभियांत्रिकीचे प्रगत ज्ञान देणारे, प्रात्यक्षिकावर आधारित प्रशिक्षण देणार आहे. बांधकाम क्षेत्राचा परिचय, बांधकाम साहित्याचा परिचय, रेखाचित्राचे वाचन व प्रत्यक्ष साइटवर त्याचा सराव, क्षेत्र भेटी, प्रकल्प पूर्वतयारी, कंत्राटदाराच्या कामाची पद्धत, अंदाज व खर्च नियोजन, बांधकाम उद्योगातील १४ महत्त्वाच्या पायऱ्या, सुरक्षिततेसाठी घ्यायची खबरदारी व वेळेचे व्यवस्थापन इत्यादी विषयांवर मार्गदर्शन होणार आहे.
संपर्क : ९८८१०९९७५७

पौष्टिक लाडूंविषयी
व्यावसायिक कार्यशाळा
महाराष्ट्रीयन संस्कृतीमध्ये लाडूला महत्त्वाचे स्थान आहे. वेगवेगळ्या प्रकारचे लाडू व व त्याचे विविध ऋतुमानानुसार शरीरासाठी असणारे महत्त्व या अनुषंगाने विविध प्रकारचे लाडू तयार करण्यास शिकवणारी व्यावसायिक कार्यशाळा २८ जूनला आयोजिली आहे. कार्यशाळेत खजूर, डिंक, जवस, सातू, ड्रायफ्रूट, बाजरी, पौष्टिक, राघवदास, मेथी, गुलकंद, पान, चॉकलेट, राजगिरा, चिरमुरा, नाचणी, मिलेट, उपवासाचा स्पेशल, रवा, बेसन, बनाना, पांचाली व मूग हे नावीन्यपूर्ण लाडूचे प्रकार प्रात्यक्षिकासह शिकवले जातील. त्याचप्रमाणे अगदी कमी भांडवलामध्ये हा व्यवसाय कशा पद्धतीने सुरू करता येतो, याचे मार्गदर्शन केले जाईल. तसेच मार्केटिंग, पॅकिंग, लायसनिंग, कॉस्टिंग याच्या नोट्स पुरवल्या जातील.
संपर्क : ८४८४८११५४४

थेट उद्योगामध्ये
शिका पौष्टिक चिक्की
सध्याच्या जीवनशैलीत आरोग्यदायी, पारंपरिक व स्वादिष्ट पदार्थांना मोठी मागणी आहे. याच पार्श्वभूमीवर चिक्कीसारख्या पौष्टिक आणि टिकाऊ पदार्थाचा व्यवसाय फायदेशीर ठरत आहे. बाजारात वाढती मागणी लक्षात घेता, थेट उद्योगाच्या पुढाकाराने नावीन्यपूर्ण व पौष्टिक चिक्की बनवण्याची प्रात्यक्षिक कार्यशाळा २९ जूनला आयोजिली आहे. यात राजगिरा, शेंगदाणा, मलई, गुलकंद, पंढरपुरी, तीळ आणि कोकोनट इत्यादी चिक्कीचे प्रकार शिकवले जाणार आहेत. याशिवाय, चिक्की व्यवसायासाठी लागणारी मशिनरी, पॅकिंग, लेबलिंग आणि गुंतवणुकीबाबत मार्गदर्शन केले जाईल. या सर्व चिक्की आरोग्यविषयक फायदे देणाऱ्या आहेत. कार्यशाळेद्वारे स्वयंपूर्णतेचा व स्वतःचा यशस्वी व्यवसाय सुरु करण्याचा मार्ग खुला होऊ शकतो.
संपर्क : ८४८४८११५४४

हायड्रोपोनिक्स पद्धतीने
घरी पिकवा भाजीपाला
व्यावसायिकदृष्ट्या आधुनिक हायड्रोपोनिक तंत्राने भाजीपाल्याची शेती करून दर्जेदार गुणवत्तेचे उत्पादन कसे मिळवावे, पायलट बेसिसवर हा प्रयोग कसा करावा इ.विषयी मार्गदर्शन करणारी कार्यशाळा ५ व ६ जुलैला आयोजिली आहे. यात हायड्रोपोनिक तंत्रज्ञानाची ओळख, साधने व फर्टिगेशन, पाण्याची गुणवत्ता व अन्नद्रव्ये, देशी-विदेशी भाज्या, पालेभाज्या, फळभाज्या, औषधी वनस्पती इ. प्रकारचा भाजीपाला कसा पिकवावा, घरच्या घरी हायड्रोपोनिक युनिट अथवा गार्डन कसे उभारावे, हायड्रोपोनिकसाठी रोपे कशी तयार करावी, न्यूट्रियंट सोल्यूशन कसे तयार करावे, सामू, प्रकाश, आर्द्रता, तापमान यांचे महत्त्व, अन्नद्रव्यांची कमतरता व उपाय आदींविषयी सविस्तर मार्गदर्शन होणार आहे.
संपर्क : ८४८४८११५४४