ड्रॅगनफ्रुट, अ‍ॅव्होकॅडोसह ब्लूबेरी लागवड कार्यशाळा

पुणे, ता. २१ : अनेक आजारांना दूर ठेवणाऱ्या ड्रॅगनफ्रुट, अ‍ॅव्होकॅडोसह ब्लूबेरी या गुणकारी फळांची लागवड कशी करावी, गुणवत्तापूर्ण उत्पादन कसे घ्यावे व उत्पादकता कशी वाढवावी, मातीची तयारी व साईटची निवड कशी करावी व रोपांची काळजी कशी घ्यावी, उत्पादनानंतर मार्केटिंग स्ट्रॅटेजी कोणत्या वापराव्या व नफा कसा कमवावा याबाबत मार्गदर्शन करणारी कार्यशाळा २३ जूनला आयोजिली आहे. यामध्ये या फळांची उत्पादन पद्धती व अर्थशास्त्र, रोग व त्यांचे व्यवस्थापन, उत्पादन व गुणवत्ता वाढविण्याच्या उपाययोजना, विविध जाती आणि त्यांची निवड, लागवडीचे तंत्र, पोषण व्यवस्थापन व सिंचन पद्धती, कीड व रोग व्यवस्थापन, छाटणी, काढणी व काढणीनंतरची हाताळणी आदींबाबत मार्गदर्शन होणार आहे.
संपर्क : ८४८४८११५४४

जमीन व महसूल प्रमाणपत्र कार्यशाळा
शेतजमिनीचा ७-१२, फेरफार, गाव नकाशा, शेतजमिनीचे प्रकार, शेतजमीन खरेदी-विक्रीचे नियम, कायदेशीर आव्हाने आणि उपाय तसेच जमिनीसाठी महारेरा इ. विषयांवर मार्गदर्शन करणारा महाराष्ट्र जमीन व महसूल प्रमाणपत्र कार्यशाळा २८ जूनला आयोजिली आहे. यात अनुभवी उद्योग व्यावसायिकांकडून मार्गदर्शन होणार आहे. तसेच काही महत्त्वाच्या सत्रांमध्ये नामांकित उद्योग नेत्यांकडून मार्गदर्शन होणार आहे. ही कार्यशाळा करिअरच्या हेतूने अत्यंत महत्त्वाची आहे. याद्वारे व्यावसायिक जगात त्वरित ओळख निर्माण करणे शक्य आहे. केस स्टडी तसेच शंका-समाधान यांचाही कार्यशाळेत समावेश आहे.
संपर्क : ८४८४८२२८५५, ९५०३६५५२७७

पटकथा लेखन कार्यशाळा
चित्रपट क्षेत्रात यशस्वी होण्यासाठी लेखक, दिग्दर्शक, निर्माते आणि कलावंतांना पटकथा लेखनाविषयीची माहिती असणे गरजेचे असते. एखाद्या संकल्पनेवरून चित्रपटाची निर्मिती करण्यासाठी व्यक्तिरेखांकन, कथा, पटकथा आणि संवाद लेखनाचे तंत्र अवगत असणे आवश्यक आहे. चित्रपट उद्योग क्षेत्रात उत्तम पटकथा लेखकांची खूप मागणी आहे. या पार्श्वभूमीवर दोन दिवसीय ऑनलाइन कार्यशाळा २८ व २९ जूनला आयोजिली आहे. यामध्ये पटकथा लेखनाची प्रक्रिया व त्यात कृत्रिम बुद्धिमत्तेचा वापर आदींबाबत मार्गदर्शन होणार आहे.
संपर्क : ८४८४८११५४४

रिअल इस्टेट मेंटॉरशिप प्रोग्रॅम
ज्या लोकांना रिअल इस्टेट क्षेत्रात कौशल्य प्राप्त करायचे आहे, ज्यांना अतिशय श्रीमंत जीवनशैली जगण्याची इच्छा व स्थिर व्यवसाय हवा आहे, अशांसाठी तीन महिन्यांचा रिअल इस्टेट मास्टरक्लास मेंटॉरशिप प्रोग्रॅम ७ जुलैपासून सुरु होत आहे. महारेराची अधिकृत प्रशिक्षण संस्था असणाऱ्या ‘एसआयआयएलसी’तर्फे हे प्रशिक्षण दिले जाणार आहे. या प्रोग्रॅमसाठी शिक्षणाचे कोणतेही निकष नाहीत. करिअरच्या संधी शोधत असलेल्या सर्वच तरुणांसाठी अतिशय आदर्श असे हे प्रशिक्षण असणार आहे. रिअल इस्टेट मास्टर ट्रेनर व या क्षेत्रातील अनेक प्रकाशित पुस्तकांचे तज्ज्ञ लेखक रोहित गायकवाड हे प्रशिक्षणाचे मुख्य मार्गदर्शक असणार आहेत. प्रशिक्षणाचे प्रतिव्यक्ती शुल्क ५० हजार रुपये अधिक जीएसटी आहे.
संपर्क : ८४८४८२२८५५, ९५०३६५५२७७