
पुणे, ता. २४ : कॅम्प विभागातील जनरल थिमया मार्गावरील मेथॉडिस्ट मराठी चर्च १४०व्या वर्षात पदार्पण करीत आहे. त्यानिमित्त चर्चचा वर्धापनदिन उत्साहात साजरा झाला. या कार्यक्रमात सभासदांना विविध क्षेत्रात केलेल्या उल्लेखनीय कामगिरीबद्दल सन्मानित करण्यात आले. यावेळी ४० वर्षांपासून करत असलेल्या आर्गन वादन सेवेबदल अॅड. मार्कस देशमुख यांचा व नोटरीपदी नियुक्ती झाल्याबद्दल अॅड. सॅमसन अॅण्ड्रूज यांचा सन्मान करण्यात आला. चर्चमार्फत वर्षभर अनेक सामाजिक उपक्रम राबविले जातात. यात रक्तदान शिबिर, आरोग्य तपासणी, ज्येष्ठ नागरिकांना भेटी देणे तसेच नाताळ सणाच्या वेळी आर्थिक दुर्बल घटकांना कपडे आणि खाऊचे वाटप केले जाते. कार्यक्रमाचे नियोजन चर्चचे पालक चंद्रशेखर जाधव यांनी केले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.