मुंबई दहशतवादी हल्ल्यातील हुतात्म्यांना आदरांजली

पुणे, ता. २६ : मुंबईत २६/११ रोजी झालेल्या दहशतवादी हल्ल्याच्या पूर्वसंध्येला झाशीची राणी लक्ष्मीबाई चौक परिसरात पोलिस मित्र संघटनेतर्फे शहीद जवान आणि दिल्लीत झालेल्या स्फोटातील मृतांना मेणबत्ती प्रज्वलित करून आदरांजली वाहण्यात आली.
शिवाजीनगर पोलिस ठाण्याचे वरिष्ठ निरीक्षक महेश बाळकोटगी आणि डेक्कन पोलिस ठाण्याच्या वरिष्ठ निरीक्षक गिरीशा निंबाळकर आदी या वेळी उपस्थित होते. पोलिस मित्र संघटनेचे अध्यक्ष राजेंद्र कपोते यांच्या हस्ते हुतात्म्यांच्या स्मृतिस्थळाला पुष्पचक्र अर्पण करण्यात आले. या वेळी चंद्रशेखर कपोते, पोलिस मित्र संघटनेचे कार्यकर्ते मनीष सोनीगरा, सचिन काळे, चैतन्य जगताप, उषा भालेराव, रोहिणी भोसले, विमल काळभोर, रेखा काटे आणि कुलदीप शर्मा आदींनी आदरांजली वाहिली.