टेंपोच्या धडकेने तरुणीचा मृत्यू

पुणे, ता. २ : स्वारगेट परिसरातील हिराबाग चौकात भरधाव टेंपोच्या धडकेने दुचाकीस्वार तरुणीचा मृत्यू झाला. आरिबा अर्शदअली कुरेशी (वय २४, रा. न्यू मोदीखाना, कॅम्प) असे मृत्युमुखी पडलेल्या तरुणीचे नाव आहे.
या प्रकरणी स्वारगेट पोलिसांनी टेंपोचालकाविरुद्ध गुन्हा दाखल केला आहे. विश्वंभर दशरथ सोनवणे (वय ६२, रा. मारुतीनगर, वडगाव शेरी) असे टेंपोचालकाचे नाव आहे.
पोलिसांनी दिलेल्या माहितीनुसार, आरिबा कुरेशी ही तरुणी २७ नोव्हेंबर रोजी दुचाकीवरून हिराबाग चौकातून निघाली होती. त्याच वेळी भरधाव वेगाने येणाऱ्या टेंपोने दुचाकीस धडक दिली. त्यामुळे ही तरुणी रस्त्यावर पडल्याने तिच्या डोक्याला गंभीर दुखापत झाली. तिला तत्काळ रुग्णालयात दाखल करण्यात आले; परंतु उपचारादरम्यान तिचा मृत्यू झाला. या अपघाताबाबत आरिबाचे वडील अर्शदअली कुरेशी (वय ५५, रा. न्यू मोदीखाना, कॅम्प) यांनी तक्रार दिली आहे.

-------