जागतिक डिजिटल डिटॉक्स दिन उत्साहात

पुणे, ता. १० ः डिजिटल उपकरणांच्या अतिवापराने तुटलेल्या मानवी संबंधांना पुन्हा जोडण्यासाठी आणि मानसिक आरोग्याबद्दल जागरूकता निर्माण करण्यासाठी जागतिक डिजिटल डिटॉक्स (डब्ल्यूडीडीडी) दिनानिमित्त शनिवारवाडा ते शनिपार चौक या मार्गावर आयोजित रॅली नुकतीच उत्साहात झाली. पुण्यासह एकाच वेळी तब्बल ८० देशांमध्ये ही रॅली आयोजित केली होती.
‘झेप फाउंडेशन’ आणि ‘स्वान फाउंडेशन’ यांच्यातर्फे ही रॅली आयोजित केली असून, या वेळी पोलिस उपायुक्त कृषिकेश रावळे, पुणे महापालिकेचे उपायुक्त माधव जगताप, ‘झेप फाउंडेशन’च्या अध्यक्ष व ‘वर्ल्ड डिजिटल डिटॉक्स डे’ च्या संस्थापिका डॉ. रेखा चौधरी, ‘स्वान फाउंडेशन’ चे अध्यक्ष शशिकांत कांबळे, सचिव प्रसाद भोपळे, सिंहगड फाउंडेशनचे आबा गोळे, अनुराग चॅरिटेबल ट्रस्ट आणि हरिभाई देसाई कॉलेजचे विद्यार्थी आदी उपस्थित होते. या उपक्रमाच्या आयोजनासाठी जय गणेश व्यासपीठ, सिंहगड परिवार फाउंडेशन, अनुराग चॅरिटेबल ट्रस्ट, हरिभाई देसाई कॉलेज, विश्रामबाग वाडा क्षेत्रीय कार्यालय परिसरातील शाळा आणि दगडू शेठ हलवाई गणपती ट्रस्ट यांचे सहकार्य लाभले आहे.
------------------