अवती भवती

काँग्रेस भवनमध्ये पटेल यांना अभिवादन
पुणे, ता. १६ : सरदार वल्लभभाई पटेल यांच्या पुण्यतिथीनिमित्त काँग्रेस भवन येथे शहर जिल्हा काँग्रेस समितीचे अध्यक्ष अरविंद शिंदे यांच्या हस्ते पुष्पहार अर्पण करून अभिवादन करण्यात आले. यावेळी महाविकास आघाडीचे पदाधिकारी उपस्थित होते.

झोपडपट्टी सुरक्षा दलातर्फे अभिवादन
पुणे : सरदार वल्लभभाई पटेल पुण्यतिथीनिमित्त झोपडपट्टी सुरक्षा दलाच्या वतीने कोरेगाव पार्क येथील कार्यालयात संघटनेचे संस्थापक अध्यक्ष भगवानराव वैराट यांच्या हस्ते पटेल त्यांच्या प्रतिमेला पुष्पहार अर्पण करून अभिवादन करण्यात आले. या वेळी काशिनाथ गायकवाड, महंमद शेख, सुरेखा भालेराव, दिना शेखर, गणेश लांडगे, वंदना पवार, दत्ता कांबळे, दत्ता डाडर, संजय बंडे उपस्थित होते.

लोहगाव कराटेत ४०० स्पर्धक सहभागी
पुणे : शोटोकन कराटे डो ऑर्गनायझेशन इंडियातर्फे प्रथम लोहगाव कराटे स्पर्धा आयोजित केली होती. यात ४००हून अधिक स्पर्धकांनी सहभाग घेतला. या वेळी आयोजक नितीन गडलिंग, अतुल बोरा, प्रीतम खांदवे पाटील, अनिल टिंगरे, अनिल सातव, सुरेंद्र पठारे, नवनाथ मोझे, राजेंद्र खांदवे, निखिल खांदवे उपस्थित होते.

प्राचार्य भोसले यांना पुरस्कार प्रदान
पुणे : युनिव्हर्सिटी एज्युकेशन फोरमच्या वतीने दिला जाणारा ‘हायर एज्युकेशन लीडर अवॉर्ड २०२५’ यंदा अर्हमा कॉलेजचे प्राचार्य सतीश भोसले यांना प्रदान करण्यात आला. शिक्षण क्षेत्रातील उल्लेखनीय कामगिरी आणि नवीन शैक्षणिक धोरणात तसेच वि‌द्यापीठ पातळीवर वेगवेगळ्या समित्यांवर काम करून वाणिज्य अभ्यासक्रमात विद्यार्थी केंद्रस्थानी ठेवून महावि‌द्यालयीन शैक्षणिक गुणवत्ता उंचावण्यासाठी भोसले यांनी सातत्यपूर्ण प्रयत्न केले आहेत. याची दखल घेऊन फोरमच्या वतीने त्यांचा सन्मान करण्यात आला.