बँकांमधील कर्मचाऱ्यांसाठी शनिवारी ‘माईंड पॉवर ट्रेनर’

पुणे, ता. १६ : आंतरराष्ट्रीय सहकार वर्षानिमित्त सहकाराचे संवर्धन, सहकाराबाबत जनसामान्यांमध्ये आत्मीयता निर्माण करणे आणि सहकाराची बलस्थाने रुजविण्याच्या उद्देशाने असोसिएशनतर्फे विविध कार्यक्रम व स्पर्धांचे आयोजन केले आहे.
त्याचाच एक भाग म्हणून बँकेतील सेवक, वरिष्ठ अधिकारी, मुख्य कार्यकारी अधिकारी, संचालक व पदाधिकाऱ्यांवरील मानसिक ताण कमी करण्यासाठी असोसिएशनतर्फे डॉ. दत्ता कोहिनकर यांचा ‘माइंड पॉवर ट्रेनर’ हा विशेष कार्यक्रम शनिवार (ता. २०) सायंकाळी ५ ते ८ या वेळेत स्वारगेट येथील गणेश कला क्रीडा मंदिर येथे होणार आहे. बँकांच्या प्रतिनिधींसाठी हा कार्यक्रम विनामूल्य असून सहभागासाठी नामांकन पाठविणे आवश्यक आहे. आंतरसहकारी बँक सहकार करंडक क्रिकेट स्पर्धा नुकत्याच पार पडल्या. या स्पर्धेत विविध नागरी सहकारी बँकांचा सहभाग असून, स्पर्धेला मोठा प्रतिसाद मिळाला.