आंदेकर टोळीतील सदस्‍याला अटक

पुणे, ता. १६ : शहर पोलिस दलाच्‍या गुन्हे शाखेच्‍या खंडणीविरोधी पथक दोनने आंदेकर टोळीभोवती कारवाईचा फास आवळला आहे. विविध दाखल गुन्ह्यातील हवा असलेला व आंदेकर टोळीचा सदस्य गणेश ऊर्फ सूरज अशोक वड्‌डा (वय ३०, रा. मंगळवार पेठ) याला कोल्हापूर येथून सापळा रचून ताब्यात घेतले. गेल्‍या दोन वर्षांपासून फरार होता. तो सध्या कोल्हापूर येथील भुदरगड येथे असल्याची माहिती पोलिस उप निरीक्षक गौरव देव व पोलिस अंमलदार दिलीप गोरे यांना मिळाली होती. त्‍याचबरोबर खंडणी विरोधी पथक एककडील पोलिस अधिकारी व अंमलदार हद्दीत पेट्रोलिंग करीत असताना पोलिस अंमलदार अमोल आव्हाड व मयूर भोकरे यांना माहिती मिळाली की, आंदेकर टोळीशी संपर्कात असलेला विधीसंघर्षग्रस्त बालकाकडे गावठी बनावटीचे पिस्तूल आहे. पोलिसांनी त्‍या विधीसंघर्षग्रस्त बालकाकडे चौकशी करत त्‍याच्‍याकडून दोन गावठी बनावटीची पिस्तुले, धारदार कुकरी, एअर पिस्तूल, होंडा ऍक्टिव्हा मोपेड स्कूटर व इतर ऐवज असा एकूण एक लाख ३७ हजार रुपयांचा मुद्देमाल जप्‍त केला.