पुण्यात उद्या ‘बरवाज् पुणे पॅशन आयकॉन्स’

पुणे ता. २७ ः विविध क्षेत्रांत आपली आवड उत्कटतेने जोपासणाऱ्या व काही तरी वेगळे करून दाखवणाऱ्या व्यक्तींचा ‘बरवाज् पुणे पॅशन आयकॉन्स’ या कार्यक्रमात गौरव करण्यात येणार आहे. हा सोहळा २९ जूनला सकाळी १० वाजता, एरंडवणे येथील कलमाडी हायस्कूलच्या (केएचएस) ‘शकुंतला जगन्नाथ शेट्टी सभागृहा’त हा सोहळा होणार आहे.
या कार्यक्रमाची ही दुसरी आवृत्ती आहे. ‘ग्लिफ्स क्रिएट कनेक्ट एक्स्प्रेस’ यांची ही संकल्पना असून ‘बरवा स्किन थेरपी’, ‘सकाळ माध्यम समूह’, ‘बिग एफएम रेडिओ’ आणि ‘महाराष्ट्र लेडिज असोसिएशन’ यांचे पाठबळ त्यास लाभले आहे. कला, संगीत, नृत्य, योग, बागकाम, फॅशन, अशा विविध क्षेत्रांमध्ये विशेष प्रावीण्य मिळवलेल्या व्यक्तींना या वेळी सन्मानित केले जाणार आहे. या कार्यक्रमात शंखनाद, गायन, नृत्य यांचे सादरीकरण केले जाणार असून, काही मान्यवरांच्या तोंडून त्यांचा यशाचा प्रवास ऐकायला मिळणार आहे. हा कार्यक्रम सर्वांसाठी खुला आहे. ‘ग्लिफ्स सीईई’चे संस्थापक गायत्री फाटक व सलिल चोडणकर या वेळी उपस्थित राहणार आहेत.

लोगो- PNE25V26864