दगडूशेठ गणपती ट्रस्टतर्फे अतिरुद्र महायज्ञ सुरू

पुणे, ता. ६ : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळातर्फे २१ दिवसांचा अतिरुद्र महायाग मंदिरात सुरू झाला आहे. २५ जुलैपर्यंत दररोज दुपारी एक ते सायंकाळी सात या वेळेत हा महायाग होणार आहे. अतिरुद्र महायाग प्रारंभावेळी ट्रस्टचे अध्यक्ष सुनील रासने, संगीता रासने, कोषाध्यक्ष महेश सूर्यवंशी, ज्योती सूर्यवंशी आदी उपस्थित होते. रासने म्हणाले, ‘‘नकारात्मक ऊर्जा दूर होणे, पर्यावरणातील असंतुलन दूर होते, नैसर्गिक आपत्ती कमी होतात आणि संपूर्ण विश्वात शांती व सद्‍भावना निर्माण होते, हे अतिरुद्र महायज्ञाचे फायदे आहेत. त्यामुळे दगडूशेठ गणपती मंदिरात मागील चार वर्षांपासून हा यज्ञ करण्यात येत आहे. भाविकांनी मंदिरात अतिरुद्र याग व विविध धार्मिक कार्यक्रमांत सहभागी व्हावे.’’