गृहनिर्माण संस्था व्यवस्थापन सॉफ्टवेअर कार्यशाळा

सोसायटीच्या कामकाजात पारदर्शकता, कार्यक्षमतेचा वेग आणि डिजिटल सुलभता आणण्यासाठी खास हाउसिंग सोसायटी मॅनेजमेंट सॉफ्टवेअर कार्यशाळा १३ जुलै रोजी आयोजिली आहे. यामध्ये सहभागी होणाऱ्यांना यूजर मॅनेजमेंट, सदस्य डेटा व्यवस्थापन, मेंटेनन्स मॅनेजमेंट, कर्मचारी आणि सुरक्षा व्यवस्थापन यासारख्या महत्त्वाच्या घटकांवर सखोल प्रशिक्षण दिले जाईल. तसेच ऑटो रिसीप्ट जनरेशन आणि तत्काळ पेमेंट अलर्ट्स यांसारख्या स्मार्ट फिचर्सवरही भर दिला जाईल. हे सॉफ्टवेअर पूर्णतः जाहिरातमुक्त असून सिक्युअर्ड क्लाऊड स्टोरीज व डेटा गोपनीयता ही याची खास वैशिष्ट्यं आहेत. सोसायटीचे अध्यक्ष, सचिव, व्यवस्थापन समिती सदस्य व सामान्य सदस्य यांच्यासाठी ही कार्यशाळा अत्यंत उपयुक्त आहे. डिजिटल युगात सोसायटी संचालन अधिक सुलभ आणि पारदर्शक बनवण्यासाठी ही एक महत्त्वाची पाऊल आहे.
संपर्क : ८४८४८११५४४

औषधी वनस्पती लागवड ऑनलाइन कार्यशाळा
आयुर्वेदिक व सेंद्रिय उत्पादनांना ग्राहकांकडून मागणी जास्त असल्याने गेल्या काही वर्षांत औषधी व सुगंधी वनस्पती लागवडीची गरज वाढली आहे. या पार्श्वभूमीवर वनौषधींची लागवड पद्धतीविषयी मार्गदर्शन करणारी तीन दिवसीय ऑनलाइन कार्यशाळा १४ जुलैपासून आयोजिली आहे. यामध्ये औषधी वनस्पतींच्या लागवडीचे महत्त्व आणि व्याप्ती, वनौषधी व सुगंधी वनस्पतींचे शेतजमिनीला होणारे फायदे, वनस्पती लागवडीचे तंत्र, नर्सरीचे तंत्र, व्यावसायिकदृष्ट्या लागवडीच्या पद्धती, औषधी वनस्पतींची प्राथमिक प्रक्रिया आणि मूल्यवर्धन, लागवड व प्रक्रिया उद्योगासाठीच्या सरकारी योजना, मार्केटिंगसाठी असणारा वाव आदींविषयी मार्गदर्शन केले जाणार आहे.
संपर्क : ८४८४८११५४४

सरकारी इस्टिमेशन प्रशिक्षण
शासकीय कामांचे मूल्यनिर्धारण, इस्टिमेशन हे बांधकाम, स्थापत्य विभागातील, कॉन्ट्रॅक्टर, विद्यार्थ्यांना उपयुक्त असे प्रशिक्षण १९ व २० जुलै रोजी आयोजिले आहे. प्रशिक्षणात पीडब्ल्यूडी, एसएसआर, रेट, नियमावली, टेस्टिंग, मेजरमेन्ट शीट, रेट तपासणी, चार्ट, इस्टिमेशन सॉफ्टवेअर व इस्टिमेशन बनविणे, तयार करणे, समाज मंदिर, सभा मंडप, शाळा, अंगणवाडी, सुरक्षा भिंत आशा प्रकारचे कामे व इस्टिमेशन आदींबाबत मार्गदर्शन करण्यात येईल.
संपर्क : ९३५६९७३४२७

शंख साधना कार्यशाळा
भारतीय संस्कृतीमध्ये शंख व त्याच्या ध्वनीला पावित्र्य आहे. ही एक खूप प्राचीन साधना आहे. शंख साधनेद्वारे श्वासोच्छ्वास लांब होतात व दम्यासारखे श्वसनाचे व थायरॉईड, रक्तदाब, मधुमेह संबंधित आजार बरे होतात असा अनेकांचा अनुभव आहे. ज्या व्यक्ती धूम्रपान करतात त्यांनी नियमित शंख साधना केल्यास धूम्रपानाचे व्यसन दूर होते. नियमित योगसाधना करणाऱ्यांनी शंखसाधना केल्यास अंतःकरण अधिक शुद्ध होण्यास मदत होते. मुली आणि महिलाही ही साधना करू शकतात. या पार्श्वभूमीवर २० जुलै रोजी शंख साधनेविषयी प्रात्यक्षिकासह माहिती देणारी कार्यशाळा आयोजिली आहे. यामध्ये शंख व सनातन धर्म, शंखाचे प्रकार, शंखाची नैसर्गिक निर्मिती, शंख नाद, शरीर व योग यांची माहिती व शंख नादाचे प्रात्यक्षिक प्रशिक्षण होणार आहे.
संपर्क : ८४८४८११५४४