प्रकल्पबाधित झाडांना महापालिकेचा ‘आधार’
पुणे, ता. १५ : रस्ता रुंदीकरण, उड्डाणपुलांसह विविध प्रकल्पांची कामे करताना बाधित होणाऱ्या झाडांच्या पुनर्रोपणाकडे महापालिका प्रशासनाने गांभीर्याने लक्ष दिले आहे. विविध प्रकल्पांमध्ये बाधित झालेल्या सुमारे दोन हजार झाडांचे महापालिकेने पुनर्रोपण केले असून संबंधित झाडे सुस्थितीत आहेत. याबरोबरच नदी सुधार प्रकल्पामध्ये सहा हजार झाडे लावण्यावर भर दिला आहे.
महापालिका प्रशासनाकडून शहरात नवीन रस्ते तयार करणे, रस्ता रुंदीकरण, उड्डाणपूल, नदीसुधार अशा विविध प्रकल्पांची कामे केली जातात. संबंधित प्रकल्पांची कामे करताना आवश्यक ठिकाणी झाडे काढण्यावर भर दिला जातो. वर्षभरापासून प्रकल्पात अडथळा ठरणारी झाडे तोडण्यापेक्षा ही झाडे शास्त्रीय पद्धतीने काढून त्यांचे अन्य ठिकाणी पुनर्रोपण करण्याचे काम केले जात आहे.
महापालिकेच्या विशेष प्रकल्प विभागाने नदीसुधार प्रकल्पामध्ये काढलेल्या झाडांचे संगमवाडी ते बंडगार्डन या नदी सुधारच्या पट्ट्यामध्ये पुनर्रोपण केले आहे. याबरोबरच रस्ते, उड्डाणपूल व अन्य प्रकल्पांमध्ये बाधित होणारी झाडे संरक्षण विभागाच्या बॉम्बे सॅपर्स, घोरपडी येथील आर्मी स्पोर्ट्स, येरवडा, संगमवाडी अशा विविध भागात झाडांचे शास्त्रीय पद्धतीने पुनर्रोपण केले आहे. प्रकल्पामध्ये बाधित झालेल्या सुमारे दोन हजार झाडांचे पुनर्रोपण करण्यात आले आहे. संबंधित झाडांच्या देखभाल-संगोपनाकडेही महापालिकेकडून गांभीर्याने लक्ष दिले जात आहे. दरम्यान, प्रकल्पबाधित झाडांसह सहा हजारांपेक्षा जास्त नवीन झाडे नदीकाठ सुधार प्रकल्पामध्ये लावली असल्याची माहिती महापालिकेच्या विशेष प्रकल्प विभागाने दिली.
प्रकल्पांमध्ये बाधित होणाऱ्या झाडांचे शास्त्रीय पद्धतीने पुनर्रोपण करण्याचा प्रयत्न सुरू आहे. सुमारे दोन हजार झाडांचे विविध ठिकाणी पुनर्रोपण केले आहे. तसेच सहा हजार नवीन झाडे नदीकाठ सुधार प्रकल्पात लावली आहेत.
- बिपिन शिंदे,
कार्यकारी अभियंता, विशेष प्रकल्प विभाग, महापालिका
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.