विद्येच्या प्रांगणात

टिळक महाराष्ट्र विद्यालयामार्फत
अन्नदानाविषयी प्रबोधन
पुणे, ता. १० : आषाढीनिमित्त टिळक महाराष्ट्र विद्यालयातील विद्यार्थ्यांनी ‘अन्नाची किंमत करा, पाण्याचा आदर करा’ असा संदेश देत जनजागृती केली. ‘एका थेंबाचं मोल कळतं जेव्हा तो नसतो’, ‘पानात अन्न आहे तोवरच पोटात भक्ती’ अशा घोषवाक्यांनी विद्यार्थ्यांनी संदेश दिला. यावेळी संस्थेच्या अध्यक्षा डॉ. प्रणती टिळक, सुषमा मराठे, शाळेच्या मुख्याध्यापिका श्रद्धा येरोळकर, संयोजिका अनामिका सिंग आदी मान्यवर उपस्थित होते.

डीईएस पूर्वप्राथमिक शाळेची वारी विठ्ठल मंदिरात
पुणे, ता. १० : डेक्कन एज्युकेशन सोसायटीच्या मुरलीधर लोहिया मातृमंदिरमधील विद्यार्थ्यांनी शाळेपासून नवी पेठेमधील विठ्ठल मंदिरापर्यंत वारी काढली होती. या वारीत वारकरी आणि संतांच्या वेशभूषेत विद्यार्थी सहभागी झाले होते. याशिवाय शाळेत विद्यार्थ्यांनी रिंगण सोहळा केला. विद्यार्थ्यांना दृकश्राव्य माध्यमातून वारीची माहिती देण्यात आली. यानिमित्त शाळेचा परिसर रांगोळी आणि फुलांनी सजविण्यात आला. मुख्याध्यापिका माधुरी बर्वे यांच्या संकल्पनेतून हा सोहळा आयोजित करण्यात आला.