पं. यादवराज फड यांची संगीत मैफील

पुणे, ता. १३ : पं. पुरुषोत्तम शास्त्री फडके संस्कृत पाठशाळा आणि निपुण इन्शुरन्स कंपनीतर्फे आषाढी एकादशीनिमित्त पं. यादवराज फड यांच्या ‘वैकुंठीच्या राया’ या अभंगवाणीच्या कार्यक्रमाचे आयोजन करण्यात आले होते. पं. फड यांनी कार्यक्रमाची सुरुवात पंचपदीने केली. त्यानंतर ‘पंढरी निवासा सख्या पांडुरंगा’, ‘वैकुंठ पंढरी भिवरेचे तीरी’, ‘संत कृपा झाली’, ‘माझे माहेर पंढरी’ आदी रचना सादर केल्या. ‘जे का रंजले गांजले’ आणि ‘अगा वैकुंठीच्या राया’ या दोन भैरवीतील रचनांच्या सादरीकरणाने कार्यक्रमाची सांगता झाली. त्यांना तबल्यावर विशाल मोरे, संवादिनीवर सुधीर टेकाळे, मृदंगावर आसाराम साबळे, टाळासाठी शिवाजी डाके आणि स्वरसाथ अमोल मोरे व रवी पंडित यांनी साथसंगत केली. पं. निळकंठ फडके यांनी आभार मानले.