डॉ. सुधीर हसमनीस यांच्या पुस्तकाचे प्रकाशन

पुणे, ता. १४ : वन्यजीव छायाचित्रकार, अध्यापक, लेखक डॉ. सुधीर हसमनीस लिखित ‘सेवन्टी व्हिज्डम बाइट्स’ या पुस्तकाचे प्रकाशन वन्यजीव छायाचित्रकार राहुल सचदेव आणि युवा छायाचित्रकार अनुपम ठोंबरे यांच्या हस्ते नुकतेच झाले. सेनापती बापट रस्त्यावरील सुमंत मुळगावकर सभागृहात या कार्यक्रमाचे आयोजन केले होते.
‘‘नवकल्पनांचा शोध आणि त्यांचा पाठपुरावा, हे डॉ. सुधीर हसमनीस यांचे वैशिष्ट्य आहे. ‘सेवन्टी व्हिज्डम बाइट्स’ या छोटेखानी पुस्तकाच्या माध्यमातून त्यांनी छायाचित्रांच्या सोबतीने त्यांच्या आयुष्यातील विचारधन वाचकांसमोर मांडले आहे’’, असे मत सचदेव यांनी व्यक्त केले. ‘‘या पुस्तकात माझ्या ७० वर्षांच्या जगण्याचे सार मांडले आहे’’, असे हसमनीस म्हणाले. रितेश देवरे, विनायक पटवर्धन, गिरीश कुलकर्णी, शशिकांत कामत, डॉ. अभय कुलकर्णी आदींनी मनोगत व्यक्त केले. संचारी मजुमदार यांनी सूत्रसंचालन केले.