संकल्प प्रतिष्ठानतर्फे वृक्षारोपण

पुणे, ता. १४ : माजी खासदार वसंतराव चव्हाण यांच्या स्मृतिदिनानिमित्त संकल्प प्रतिष्ठानतर्फे कॅम्पमधील गोळीबार मैदान येथील एस. एम. जोशी हिंदी माध्यमिक विद्यालय येथे वृक्षारोपणाचा कार्यक्रम नुकताच उत्साहात झाला. याप्रसंगी अखिल भारतीय मजदूर काँग्रेसचे संस्थापक अध्यक्ष डॉ. अनुपम बेगी, पुणे कॅन्टोन्मेंट बोर्डाचे उपाध्यक्ष सचिन मथुरावाला, संकल्प प्रतिष्ठानचे अध्यक्ष कविराज संघेलिया, कनव वसंतराव चव्हाण, नरोत्तम चव्हाण आदी उपस्थित होते. या वेळी विविध औषधी झाडांचे, फळांच्या रोपांचे लागवड करण्यात आली.